Le Comun de San Martin de Tor

Cun la secolarisaziun, l'ann 1803, s'á rové le domëne temporal dl vesco da Porsenú y insciö é ince l'aministraziun y la iurisdiziun passada diretamënter tles mans dl stat (Monarchia Austro-Ungarica). I paisc che formâ denant la iurisdiziun de Tor (San Martin cun Picolin, Lungiarü, Antermëia y Rina) é gnüs metüs adöm por formé un n comun su.
Dl 1854 é Lungiarü y Rina gnüs, en conseghënza ala regolamentaziun di Comuns dla Monarchia, destacá da San Martin por jí a formé vignun n comun por so cunt. Dô la Pröma Vera dl Monn é i dui comuns de San Martin de Tor y de Lungiarü passá, adöm a d'atri raiuns, dala Monarchía Austro-Ungarica al Rëgn dla Talia.
L'ann 1930 é Lungiarü indô gnü metü adöm cun La Val pro San Martin y le paîsc de Rina é rové pro Marou.
Deperpo che La Val s'á l'ann 1965 destachè da San Martin, é Lungiarü romagnü laprò.