Sorvisc
- Atualité
- Sorvisc
- Media

Apel por sparagné ega

A gauja dla süta y dles temperatöres straordinaramënter altes vál debojëgn da tó ince a livel provinzial mosöres de prevenziun.

Le Presidënt dla Provinzia á porchël aprové por döt Südtirol chëstes mosöres por sparagné ega:

1. Düc i anuzadus dl'ega, dantadöt tl'agricoltöra, strotöres economiches, gesturs y i proprietars de urc o parcs, é inviá da sparagné ega y da limité le consum al minim che vá debojëgn

2. I gesturs dles condütes publiches dl'ega da bëre é inviá da informé i consumadus cun n consum alt, sciöche i proprietars de majeri urc, sön le gran bojëgn da sparagné ega

3. L'irigaziun de raiuns vërc privac, publics o turistics mëss gní limitada, danter les 8 dadoman y les 7 da sëra él proibí da bagné. Al pó ma gní bagné vigni 3 dis tla mosöra assolutamënter nezesciara.

I implanc da bagné automatics mëss porchël gní programá danü.

4. Al é proibí da puzené strades y plazes cun ega. Y al ne po nia gní adoré ega dles rëis de ega da bëra publica por lavé privatamënter auti.

5. Al é proibí da bagné tl'agricoltöra cun irigaziun a plöia danter les 6 dadoman y les 9 da sëra. Chësc vêl por düc i implanc de irigaziun che ne è nia liá a n sistem de rotaziun o sënza sistems de irigaziun a gota.

6. Le gestur de lêc artifiziai te Südtirol (Vernagt, Reschen, Zoggler, Zuzritt) vëgn invié da smendrí le deflus dl’ega (hydro-peaking) tl Adej tl certl dl’edema tres n manajamënt dla produziun aladô.

7. Sön la basa de chësc regolamënt gnará les derivaziuns dles eghes controlades plü avisa, por ci che reverda le tëmp de derivaziun aprové y le respet dles cuantités d'ega romagnënta scrites dant. Al dess gní metü n'atenziun particolara sön les derivaziuns fora de canai o fossá por bagné urc y parcs.

8. Chësc regolamënt mëss gní mené inant ales staziuns forestales y ai comuns, che controlará le respet dles desposiziuns contignüdes tl ciamp dl'irrigaziun agricola y dl'ega da bëre, vignun aladô de sües competënzes, segnalan eventuales violaziuns al'Ofize por l'adoranza sostenibla dl'ega aladô dl articul 56 dla lege provinziala di 18 de jügn dl 2002, n. 8.

Ordinanza